Duisende Franse betogers ruk op oor nuwe hoofweg

Duisende betogers het op Aardedag in die suide van Frankryk opgeruk teen planne om ‘n nuwe hoofweg te bou wat hulle sê sal besoedel, bydra tot aardverwarming en biodiversiteit sal bedreig. Die betoging in die Tarn-streek teen die voorgestelde A69-hoofweg het meer as 8 000 betogers gelok. Hulle het in afwisselende reën gestap op die roete van die voorgestelde hoofweg wat die stede Toulouse en Castres sal verbind. Sommige sê die hoofweg van 53 kilometer sal ‘n verlies aan landbougrond veroorsaak.