George Ezra kom sing in Kaapstad, Pretoria

Die bekroonde Britse kunstenaar George Ezra keer in Julie na Suid-Afrika terug om in Kaapstad en Pretoria op te tree. Sy toer volg nadat sy derde album, Gold Rush Kid, verlede jaar vrygestel is, met die treffer-enkelsnitte, Anyone for You en Green Green Grass daarop. Ezra se eerste twee albums was topverkopers, met meer as agt miljoen album-vergelykbare verkope wêreldwyd, en is sewe miljard keer afgelaai. Sy jongste album word beskryf as van sy persoonlikste tot nou.