Meghan en Harry gedagvaar deur haar halfsuster

Die hertog en hertogin van Sussex, prins Harry en Meghan, sal ondervra word as deel van ‘n Amerikaanse lastersaak wat deur Meghan se halfsuster aanhangig gemaak is. Samantha Markle dagvaar Meghan vir laster en skadelike valshede ná die egpaar se onderhoud met Oprah Winfrey in 2021. Sy beweer sy is belaster toe Meghan valslik en kwaadwillig gesê het sy is ‘n enigste kind.