Zelensky hoopvol vir vredeMarch 15, 2025

Die president van die Oekraïne, Volodymyr Zelensky, meen daar is ‘n “goeie kans” om die oorlog met Rusland te beëindig. Zelensky het ‘n voorstel vir ‘n 30-dae tussentydse wapenstilstand aanvaar. Hy het ‘n beroep op Amerika en ander bondgenote gedoen om verdere druk op Moskou te plaas en gesê hy glo dat die Russiese president, Vladimir Putin, die wapenstilstand so lank as moontlik sal uitstel. Ná drie jaar van oorlog beheer Moskou se magte nou byna ‘n vyfde van die Oekraïense grondgebied en vorder sedert die middel van verlede jaar.