Sentrale damme neem nog water inMarch 6, 2025

Die drie sentrale damme het weer water ingeneem. In sy lesings vanoggend rapoorteer NamWater dat Von Bach in die afgelope uur ‘n verdere 196 000 kubieke meter ingeneem het. Die dam, wat sedert Maandag 1,255 miljoen kubiek ontvang het is tans 31,1 persent vol. Swakoppoort staan vanoggend op 35,6 persent en het 454 000 kubiek ontvang. En die Omatakodam is 28,1 persent vol na hy 53 000 kubieke meter water ingeneem het. Geen melding is gemaak van enige ander damme nie.