Buttler steun nie boikot van Afghanistan-wedstryd

Krieket: Kaptein Jos Buttler sê Engeland se wedstryd teen Afghanistan by die Kampioenetrofee moet voortgaan na oproepe om ʼn boikot weens die Taliban-regime se aanslag op vroueregte. ʼn Groep van meer as 160 Britse politici het aan die Engelse en Walliese Krieketraad geskryf en versoek Engeland moet nie die wedstryd op 26 Februarie in Lahore speel nie. Die Taliban het sedert hulle in 2021 die beheer oorgeneem het, vir alle praktiese doeleindes ʼn verbod geplaas op die deelname van vroue in sport asook die algemene openbare lewe.