SA motorfietsjaer Docherty wen Dakar-skof, Lategan weer voor

Die motorfietsrenjaer Michael Docherty het die tweede Suid-Afrikaner geword om ‘n skof by die Dakar-tydren te wen. Met sy oorwinning in Sneltrajek 10 volg hy in die voetspore van Alfie Cox, wat dit laas in 2003 gedoen het. Toyota Gazoo Racing se Henk Lategan en Brett Cummings is ook weer voor op die algehele ranglys, 2 minute en 27 sekondes voor Yazeed Al Rajhi in sy Overdrive Toyota Hilux. Lategan is aan die woord.