Shikongo sê al hoe meer kinders word aanlyn uitgebuit

Die polisiehoof, luitenant-generaal Joseph Shikongo het vanoggend die media toegespreek oor verskeie aangeleenthede rakende misdaad. Hy het sy kommer uitgespreek oor die ontstellende toename in die uitbuiting van kinders deur prostitusie en die kommerwekkende sirkulasie van verwante inhoud op sosiale media. Volgens Shikongo kan die erns van die situasie nie onderskat word nie. Hy doen ‘n beroep op ouers, opvoeders en voogde om waaksaam te bly en kinders op te voed oor die gevare van onsedelike praktyke en oop kommunikasie te behou.