Durban’s Super Giants klop Pretoria Capitals in SA20

Krieket: Verlede jaar se naaswenners, Durban’s Super Giants, het hulle SA20-veldtog goed begin en die Pretoria Capitals met twee lopies op Kingsmead in Durban geklop. Kane Williamson het ‘n onoorwonne 60 aangeteken met die tuisspan wat 209 vir vier in hul 20 boulbeurte aangeteken het. In reaksie hierop het die Capitals lopies gejaag met ‘n openingsvennootskap van 154 lopies tussen Rahmanullah Gurbaz en Will Jacks. Hulle het egter vyf paaltjies vir 38 lopies verloor.