Natau-lede op Rundu wag nog op ministerie vir betalings

Plaaslike media berig dat sekuriteitswagte wat lede is van die Namibiese Vervoer- en Geallieerde Werkers-unie en wat in Rundu vir die onderwysministerie werk, sedert 2020 sukkel om agterstallige betalings te ontvang. Hulle sê hulle werk sewe dae ‘n week en het geen verlof nie, dus eis hulle uitbetaling van 38 400 Namibiese dollar. Hulle voer aan wagte wat in ander kiesafdelings werk is reeds betaal maar hulle wag nog. Die vakbond sê briewe is herhaaldelik aan die ministerie gestuur maar word nie beantwoord nie. Die ministerie sê hy wag nog op die wagte se name en besonderhede.