Reënsluise gaan oop oor groot dele van land

Groot dele van die land het goeie reënval aangeteken vanaf Vrydag, en vogtige lug begin ook oor die droeë Suide inbeweeg. Plasings op sosiale media wys die Okamitarivier het sterk geloop op pad na die Swakoppoortdam, en daar word beweer dat die Von Bachdam se watervlak ook met sowat 10cm gestyg het. Vooruitsigte vir reën vir die res van die week lyk volgens weerkenner en suideboer George van der Merwe uiters belowend.