Joe Root terug in Engeland se ODI-groep

Krieket: Joe Root is weer in Engeland se eendaggroep ingesluit vir die toer na Indië en die Internasionale Krieketraad se Kampioenebekertoernooi in Pakistan. Ben Stokes is egter uitgelaat weens ‘n besering. Root het in die Wêreldbekertoernooi in November verlede jaar laas vir Engeland witbalkrieket gespeel. Mark Wood is in die groep ingesluit nadat hy van ‘n regter-elmboog-besering herstel het. Die toer na Indië in Januarie en Februarie sluit vyf T20’s en drie eendagwedstryde in, met die Kampioenebekertoernooi in Februarie en Maart.