N$32m se skuld in mosiehof geëis

Regters Esi Schimming-Chase en Beatrix de Jager het 83 aansoeke vir verstekvonnisse, waarvan 18 op die reël 108-rol was, vanoggend in die mosiehof hanteer. Daar was 46 aansoeke deur kommersiële banke waarvan 30 eiendomme was wat opgeëis is met skuld van 32 miljoen Namibiese dollar. Vyftien lenings ter waarde van net meer as 1 miljoen dollar is ook nou betaalbaar en een voertuig moet terugbesorg word. In Maandag se sessie hanteer regter Eileen Rakow 41 onverdedigde egskeidings.