Rehoboth het meeste wanvoeding in Hardap-streek

Uitdagings met wanvoeding duur voort met die jongste syfers van die Hardap-streek. Volgens plaaslike berigte is vier kinders dood en 188 is in die hospitaal weens wanvoeding waaronder 109 op Rehoboth, 62 in Mariental en 17 in Aranos. Die syfers dek Januarie tot Augustus vanjaar. Die syfers kom te midde van reuse-uitdagings op Mariental met nog werksverliese wat verwag word by die besproeiingskema nadat watertoevoer na die boere verlede week afgesny is.