Vermeende fynproewer kaasdief aangekeer 

Die Britse polisie het ‘n 63-jarige man in hegtenis geneem in verband met die diefstal van 22 ton kaas. Hy word ondersoek vir bedrog en die hantering van gesteelde goedere. Die kaas is verlede week by Neal’s Yard Dairy in Southwark in die suide van Londen gesteel. Die maatskappy sê hy het cheddar in kaasdoek ter waarde van byna 7 miljoen Namibiese dollar verloor, toe ‘n bedrieglike koper homself as ‘n groothandel-verspreider vir ‘n groot Franse kleinhandelaar voorgedoen het. Die drie soorte fynproewerskaas wat gesteel is, het talle toekennings ontvang en is van die gesogste in Brittanje.