IDF wil in Gaza bly, daarom werk ooreenkoms nie

Onenigheid oor Israel se toekomstige militêre teenwoordigheid in Gaza en oor die vrylating van Palestynse gevangenes belemmer ‘n wapenstilstand en gyselaarsooreenkoms, volgens tien bronne wat vertroud is met die rondte van VSA-bemiddelde samesprekings wat verlede week afgehandel is. Reuters berig die meningsverskille spruit uit eise wat Israel ingestel het sedert Hamas ‘n weergawe van ‘n skietstilstand-voorstel aanvaar het wat in Mei deur die Amerikaanse president Joe Biden onthul is. Hamas is veral bekommerd oor die jongste eis om troepe langs die Netzarim-korridor ontplooi te hou.