Keniaanse owerhede verwyder ‘swak-gehalte’ (nuwe) standbeelde

’n Keniaanse stad is gedwing om standbeelde van sommige van die land se bekendste atlete te verwyder ná ’n herrie oor die swak gehalte. Twee van die standbeelde het glo die 1 500-meter wêreldrekordhouer Faith Kipyegon en marathon-legende Eliud Kipchoge uitgebeeld. Die beelde is opgerig vir ‘n geleentheid waartydens Eldoret, wat bekendstaan as die “tuiste van kampioene”, stadstatus sou ontvang. Kritici het egter die beelde as ‘n skande en ‘n grap beskryf, met een wat gesê het die werke verteenwoordig Kenia se kollektiewe middelmatigheid as ‘n land.