Gershkovich-verhoor hervat vandag

Die verhoor van die Amerikaanse joernalis Evan Gershkovich het vanoggend agter geslote deure in ‘n Russiese hof hervat. Die 32-jarige word van spioenasie aangekla in ‘n saak wat die Withuis as ‘n klug beskryf. Gershkovich is op 29 Maart 2023 in Yekaterinburg gearresteer en is daarvan aangekla dat hy militêre geheime probeer bekom het. Hy is die eerste Amerikaanse joernalis wat sedert die Koue Oorlog op aanklagte van spioenasie in Rusland gearresteer is.