Krag van Namibië se paspoort neem effe af

Die krag van Namibië se paspoort het op die Henley Paspoort-indeks se wêreldwye paspoortkragranglys tot 116de gedaal. Dit bly egter bestendig met toegang tot 80 visumvrye bestemmings uit 227 moontlikes. Dit is ondanks ‘n toename in die land se ekonomiese mobiliteit-telling van 8,33 persent in die eerste kwartaal tot 8,99 persent tans. Namibië se paspoortsterkterangorde het ook in vergelyking met ander Afrikalande ‘n effense afname beleef. Namibië was in die eerste kwartaal gelykop met Lesotho in die sesde plek, maar is nou in die agtste plek in Afrika.