Stad Windhoek weerlê Amushelelo se korrupsie-aantygings

NEFF kommissaris Michael Amushelelo gaan voort met sy aantygings. Die jongste een fokus op wat hy noem ongelyke behandeling rakende water- en elektrisiteitsvoorsiening. Hy beskuldig die Stad Windhoek daarvan dat hulle dienste aan Katutura-inwoners afsny vir onbetaalde rekeninge, terwyl die Chinese sakevrou Stina Wu, se dienste nie opgeskort word nie. Wu is die eienaar van Marigold Hotel wie se skuld meer as 1,5 miljoen Namibiese dollar beloop. Volgens Amushelelo het Wu stadsamptenare omgekoop om die hotel se elektrisiteit weer aan te sluit nadat dit afgesny is. Kosmos 94.1 Nuus het gesels met Stad Windhoek se woordvoerder, Lydia Amutenya.