Modi sal waarskynlik derde termyn beklink

Die alliansie onder leiding van die Indiese eerste minister, Narendra Modi, se regerende Bharatiya Janata-party loop tans voor terwyl die land se verkiesingskommissie voortgaan om meer as 600-miljoen stembriewe te tel. Voorlopige uitslae toon die alliansie loop voor in net minder as 300 setels, en opposisiepartye in sowat 200. ʼn Party of alliansie wat meer as 272 setels in die parlement met sy 543 lede kry, kan die regering vorm. Modi sal na verwagting ʼn derde agtereenvolgende termyn beklink.