Ben-Jason Dixon speel 50ste wedstryd vir Stormers teen Leeus

Rugby: Die flank Ben-Jason Dixon maak sy 50ste verskyning vir die Stormers in môre se Verenigde Rugbykampioenskap in die kragmeting teen die Leeus in Kaapstad. Daar is ‘n splinternuwe voorry, met stutte Neethling Fouché en Sti Sithole en die haker André-Hugo Venter. Wandisile Simelane is op buitesenter om die beseerde Damian Willemse in die agterlyn te vervang. Sacha Feinberg-Mngomezulu vervang Warrick Gelant op heelagter.