Man aangekeer na aanval langs pad

Die Usakos-polisie ondersoek klagte van verkragting, rig van ‘n vuurwapen en onsedelike aanranding nadat ‘n vrou op die pad tussen Usakos en Arandis aangeval is. Die vrou het glo ‘n saamry-geleentheid by die beskuldigde gekry vanaf Windhoek na Swakopmund, saam met ander mense wat tot op Karibib gereis het. Die beskuldigde het na bewering 40km buite Usakos skielik van die pad af getrek, die vrou met ‘n vuurwapen gedreig en haar tot seksuele dade gedwing. Die 31-jarige beskuldigde is later in hegtenis geneem en het reeds in die hof verskyn.