ISAP lei jongmense in bewaring opDecember 5, 2023

Intelligence Support Against Poaching, of ISAP, gee jongmense van 13 tot 18 jaar oud die geleentheid om deel te neem aan ‘n avontuurlike agt-dae omgewing- en oorlewingsopleidingskursus in die veld, wat hierdie naweek begin. Die kursus sal bestaan uit ‘n klomp modules, wat onder meer insluit fisiese opleiding, nagstap, kompas en kaartlees, noodhulp en slang-identifikasie. Die hoof uitvoerende beampte van ISAP, Fritz Kaufmann, het met Kosmos 94.1 Nuus gepraat oor die voorbereiding vir die laaste junior veldwagter opleiding.