Is jy reg vir die M+Z Swakop Tydren?

Die Walvis Motorklub en die Namibië Motorsport Federasie bied op 17 en 18 November die die M+Z Swakop Tydren 2023, die 6de been van die Nasionale Tydrenkampioenskap, in en om Swakopmund aan. Organiseerders en komiteelede is hard aan die werk om te verseker dat borge, toeskouers en deelnemers ’n onvergeetlike ervaring sal hê. Die tydren, geborg deur M&Z Motors, sal Vrydagmiddag om 6-uur by M&Z Motors Swakopmund begin en eindig by die verfbalsentrum. Saterdag skop die aksie af om 10-uur die oggend en eindig net ná 5-uur by die verfbalsentrum. Francois Lottering van Motor Media Namibia het met Kosmos 94.1 Sportnuus gesels.