Swyg-bevel teen Trump

ŉ Amerikaanse federale regter het ŉ gedeeltelike swyg-bevel teen oudpresident Donald Trump uitgereik in sy saak oor ŉ vermeende poging om die presidentsverkiesing in 2020 omver te werp. Dit volg na onlangse opmerkings waarin die oudpresident aanklaers as ŉ span boewe, en een getuie in die saak as ŉ lamsakkige vark beskryf. Regter Tanya Chutkan sê Trump se kandidatuur vir die presidentskap gee hom nie die reg om staatsamptenare wat net hulle werk doen as skurke uit te kryt nie. Trump sê hy gaan teen die swyg-bevel appelleer.