Sonpanele uit China help met beurtkrag

Volgens ‘n verslag van die energie-denkskool, Ember, het Suid-Afrika in die eerste helfte van die jaar ‘n aansienlike 3,4-gigawatt se sonpanele uit China ingevoer. Die ingevoerde panele het die vermoë om byna net soveel energie as een van Eskom se Duvha- of Matla-kragstasies, van 3,6-gigawatt elk, op te wek. Die skerp toename kan toegeskryf word aan beurtkrag en die regering se belastingaansporing wat sonpanele op dakke aanmoedig. Inwoners installeer al hoe meer panele en gebruik die belastingkrediete van tot 25 persent van die koste.