4 dood ,14 000 ontruim in Mosambiek-vloede

Vier mense is dood in vloede ná dae van onophoudelike reën in die suide van Mosambiek. Die land se Nasionale Instituut vir Rampbestuur sê die sterftes het rondom die hoofstad Maputo voorgekom, terwyl 14 000 mense ontruim is uit meer as 30 000 mense wat na raming deur die vloed geraak is. Daar is nie helikopters tot die instituut se beskikking nie en hy gebruik bote om mense te bereik. Die distrik wat die ergste getref is, is Boane, sowat 30 kilometer suidoos van die hoofstad Maputo. Sowat 4 000 huise het oorstroom toe twee brûe ineengestort het en verskeie paaie heeltemal onder water was.