Rugby: Springbokke draf Italië kaf July 6, 2025

Die Springbokke het Saterdag hul toetsseisoen met ‘n oorwinning van 42-24 teen Italië op Loftus Versfeld afgeskop. Senter Jesse Kriel, in sy eerste toets as Bok-kaptein, het vir ‘n drie gesorg, terwyl skrumskakel Morne van den Berg twee keer agter die doellyn gaan kuier het. Vleuel Kurt-Lee Arendse, stut Vincent Koch en losvoorspeler Marco van Staden het ook elk ‘n drie gedruk. Italië se drieë is deur Manuel Zuliani, Pablo Dimcheff en Niccolò Cannone aangeteken.