Tsumeb se 35 000 inwoners skuld N$200m July 2, 2025

Met net minder as 35 000 inwoners, word die Tsumeb-munisipaliteit 200 miljoen Namibiese dollar geskuld. Die dorp se burgemeester, Mathews Angula, sê aan plaaslike media dat dit uiters uitdagend is om dienslewering voort te sit onder sulke toestande. Hy voeg by dat die groter meerderheid van inwoners werkloos is wat dit onmoontlik maak vir hulle om rekeninge te betaal. Tsumeb is nie alleen in die uitdaging nie. Okahandja se inwoners skuld byvoorbeeld ook ongeveer 200 miljoen dollar met Walvisbaai wat 375 miljoen dollar geskuld word. Op hulle beurt, skuld talle plaaslike owerhede reuse bedrae aan NamWater en NamPower.