Tuine van alle soorte in Windhoek Grows-veldtogJuly 1, 2025

Windhoek se burgemeester, Ndeshihafela Larandja, gaan vandeesmaand die Windhoek Grows-veldtog loods om volhoubare tuinpraktyke te bevorder en voedselsekuriteit te verbeter. Die program sal in vennootskap met die landbouministerie en Unam aangebied word. Tussen 200 en 300 inwoners sal opgelei word in onder andere vertikale tuine, tuine in houers en waterwysheid. Die fokus is op seisoenale groente wat ook verkoop kan word om inkomste te genereer. Kosmos 94.1 Nuus het gepraat met die Stad Windhoek se woordvoerder, Lydia Amutenya.