Oekraïne en Rusland ruil weer gevangenes uitJune 20, 2025

Oekraïne en Rusland het Donderdag krygsgevangenes uitgeruil in die jongste rondte ingevolge ‘n ooreenkoms wat in Istanboel bereik is. Die meeste is gevange gehou sedert die vroeë maande van Rusland se inval in Februarie 2022. Die Oekraïnse gevangenes was siek of beseer, volgens Kiëf se koördineringsraad vir krygsgevangenes. Die Russiese gevangenes sal ook behandeling en rehabilitasie ondergaan, het Moskou se verdedigingministerie gesê. Die aantal gevangenes wat bevry is, is nie bekendgemaak nie.