PEL 83 se eksplorasie vorder, TotalEnergies betree blokJune 10, 2025

Dit blyk dat TotalEnergies teenstanders uitgestof het om ‘n 50 persent bedryfsbelang in Galp Energia se enorme Mopane-ontdekking in PEL 83 aflandig die Namibiese suidkus te verseker. Volgens Reuters het Magda Chambriard, uitvoerende hoof van Petrobras, gesê dat hulle bod deur TotalEnergies oortref is. Galp bedryf PEL 83 met ‘n 80 persent belang, terwyl Namcor 10 persent besit, en Custos Energy ook ‘n 10 persent belang het. Kosmos 94.1 Nuus het gepraat met Paulo Coelho, Namcor se segsman, wat meer het oor die eksplorasie-aktiwiteite in PEL 83.