Trump ontplooi National Guard in LAJune 8, 2025

President Donald Trump van Amerika het 2 000 lede van die National Guard in Los Angeles ontplooi om betogings oor klopjagte op ongedokumenteerde migrante te hanteer. Dit was Saterdag die tweede dag van betogings in die Kaliforniese stad toe inwoners en federale Immigrasie- en doeane-agente slaags geraak het. Altesaam 118, insluitend 44 op Vrydag, is die week in Los Angeles gearresteer tydens die betogings teen ICE-operasies. Die burgemeester van Los Angeles, Karen Bass, het die ICE vroeër beskuldig dat hulle “terreur saai”. Die FBI en hoofde van Binnelandse Veiligheid sê die burgemeester se opmerkings stel federale agente in gevaar.