Botswana staak diamantproduksie tydelikJune 8, 2025

Botswana se Debswana Diamond Company het produksie by sommige van sy myne tydelik gestaak en verminder produksie in reaksie op ‘n afname in die wêreldwye diamantmark. Dié mark beleef sedert die tweede helfde van 2023 ‘n afswaai, wat veroorsaak het dat Debswana se produksie met 27% tot 17,93 miljoen karaat in 2024 geval het. Debswana, wat verantwoordelik is vir sowat 90 persent van Botswana se diamantverkope, het verlede jaar ‘n daling van 46 persent in verkoopsinkomste ondervind.