Raffinadery-plan het reeds uitdagingsJune 3, 2025

Namibië se ambisies om ‘n plaaslike olieraffinadery te ontwikkel, kan ernstige uitdagings in die gesig staar, met lae nasionale brandstofvraag en hoë kapitaalvereistes wat as belangrike struikelblokke na vore kom. The Brief berig dat volgens Namcor, staan die land se huidige brandstofverbruik op ongeveer 25 000 vate per dag, heelwat onder die vlak van 100 000 tot 300 000 vate daagliks, wat nodig is om die bou van ‘n raffinadery te regverdig. Volgens Namcor moet daar langtermyn ooreenkomste binne die streek beklink word om ‘n raffinadery te regverdig, veral teen ‘n boukoste van 3 tot 5 miljard Amerikaanse dollar, of 54 tot 90 miljard Namibiese dollar. Daar is onlangs berig dat Namibië na Botswana en Angola kyk om ‘n raffinadery op die been te bring.