Polisieman wat vragmotorbestuurder skiet, vra vandag vir borgJune 3, 2025

Die 43-jarige polisie-sersant Dimbulukeveni Namhila sal vandag in die Ondangwa landdroshof ‘n formele borgaansoek bring. Dit kom na hy op 13 Mei verskyn het vir die beweerde moord op ‘n vragmotorbestuurder, Shilongo Hamukwaya, 38 op 11 Mei. Namhila het na bewering Hamukwaya by die Onhuno-kontrolepunt doodgeskiet na ‘n argument. Hamukwaya het glo met ‘n vragmotor op ‘n vroulike polisiebeampte afgepeil en Namhila het ‘n skoot afgevuur, wat Hamukwaya in die maag getref het. Landdros Vennecky Mumbala sal na verwagting sy aansoek aanhoor.