Hongarye neem eerste stap om by Strafhof te onttrekMay 20, 2025

Hongarye se parlement het vandag ‘n wetsontwerp goedgekeur wat die land se jaarlange onttrekkingsproses uit die Internasionale Strafhof sal begin. Premier Viktor Orban se regering sê die hof het polities geword. Hy het die stap op 3 April aangekondig, kort nadat die Israeliese leier Benjamin Netanyahu in Hongarye aangekom het vir ‘n staatsbesoek. Die Internasionale Strafhof is meer as twee dekades gelede opgerig om diegene wat beskuldig word van oorlogsmisdade, misdade teen die mensdom en volksmoord te vervolg. Volgens Orban is die hof nie meer onpartydig nie.