Opwindende kragmetings op spyskaart in rugby-premierligaMay 9, 2025

Die stryd om halfeindrond-plekke in die Namibiese Rugby-Premierliga versterk die naweek met ‘n paar belangrike wedstryde op die spyskaart. FNB Wanderers op 28 punte en FNB Kudus op 24 lyk asof hulle die halfeindronde gehaal het, maar die ander twee plekke moet nog beslis word. Wanderers is die gunstelinge teen United in hul jaarlikse derby op die Wanderers. Nog ‘n opwindende vertoning kan verwag word op die Unam-veld waar Unam gasheer vir Rehoboth is. Grootfontein takel Dolphins in Swakopmund, terwyl Kudus as die gunstelinge teen Reho Falcon te staan kom.