Wapenstilstand met Rusland ‘enige oomblik moontlik’ – ZelenskyMay 5, 2025

Die Oekraïnse president Volodymyr Zelensky sê dat ‘n wapenstilstand met Rusland in hul meer as drie jaar oue oorlog enige oomblik moontlik is en het Kiëf se bondgenote versoek om groter druk op Moskou uit te oefen om dit in plek te stel. Hy sê tensy druk toegepas word, sal president Vladimir Putin geen werklike stappe neem om die konflik te beëindig nie. Dit is vandag die 55ste dag dat Rusland selfs die Amerikaanse oproepe vir ‘n staking van die oorlog ignoreer, volgens Zelensky.