Benede-Oranje vloei veel hoër, meer water op padMay 2, 2025

Die Benede-Oranjerivier by Blouputs het van 4,40 meter gister tot ‘n watervlak van 4,55 meter gestyg, en Sendelingsdrif, met ‘n verhoogde vloei, het vanoggend 4,26 meter aangeteken in vergelyking met gister se 3,10 meter. Die hidrologiese diens waarsku mense langs die rivier by Noordoewer, Aussenkehr en Oranjemund om gereed te wees vir verhoogde vloei en moontlike oorstromings. Die Zambezi by Katima Mulilo het van 5,52 meter tot 5,53 meter gestyg, terwyl die Okavango by Rundu gesak het van 7,25 meter tot 7,16 meter. Die Kunene by Ruacana tel weer op en vloei teen 405,5 kubieke meter per sekonde.