Minder as 10% van plastiek van herwinde materiaal bekomApril 30, 2025

ʼn Nuwe studie toon slegs 9,5-persent van die 400-miljoen ton plastiek wêreldwyd het in 2022 van herwinde materiaal gekom. Die res is byna uitsluitend van fossielbrandstowwe soos steenkool en olie vervaardig. Herwinning bly laag met net 27,9-persent plastiekafval wat herwin word terwyl 40-persent op stortingsterreine beland. China is die grootste vervaardiger en verbruiker van plastiek, maar Amerikaners gebruik die meeste plastiek per kop. Die Internasionale Wetlik Bindende Instrument oor plastiekbesoedeling word na verwagting later vanjaar afgehandel.