Israel sê bombardering van skuiling was oor HamasApril 4, 2025

Die Israelse weermag verdedig die bombardering Donderdag van ‘n skool in Gaza wat in ‘n skuiling omskep is en sê Hamas het dit gebruik om aanvalle teen Israelse burgerlikes en troepe uit te voer. Sewe-en-twintig Palestyne insluitend kinders is in die lugaanval dood terwyl 100 gewond is. Die weermag sê hy het voorsorgmaatreëls getref om burgerlike ongevalle te vermy. Israel het verlede maand sy lug- en grondaanvalle in Gaza hervat nadat die eerste fase van ‘n skietstakingsooreenkoms met Hamas in Januarie tot ‘n einde gekom het.