Beleide ‘moet werkskeppers ondersteun’February 8, 2025

Die land het ‘n groot werkloosheidsprobleem wat basies net opgelos kan word deur meer klein- en mediumgrootte ondernemings asook groter besighede, wat werk sal skep en ook die belastingbasis verbreed. Al hoe meer sakelui sê egter dat Namibië se beleide dit uiters moeilik maak om ‘n besigheid te begin en te laat groei. Hulle noem dit selfs ’n uiters onvriendelike sake-omgewing, met wette en beleid wat werksgeleenthede smoor en ekonomies vernietigend is. Kosmos 94.1 Nuus het gesels met Danny Meyer van SME Compete, wat kommentaar lewer.