Blade sê as studente dop, stop NSFAS-befondsing

Die Suid-Afrikaanse onderwys-minister, Blade Nzimande, sê meer as 20 000 studente by instellings vir hoër onderwys word nie meer deur die Nasionale Finansiële Hulpskema vir Studente gefinansier nie omdat hulle hul akademiese kursusse verskeie kere gedruip het. Die minister het verder verduidelik die fonds moet verseker dat befondsing beskikbaar is vir studente wat akademies vorder en toegewyd is. Nzimande sê 8 528 appelle is deur die skema verwerp.