Verkrygingsprosesse moet aandag kryMarch 16, 2023

Die Instituut vir Openbare Beleidsnavorsing sê daar is verskeie uitdagings in Namibië se verkrygingsproses, insluitend ‘n gebrek aan mededinging, swak verkrygingskapasiteit en onvoldoende monitering en evaluering. Die instituut sê hierdie uitdagings het gelei tot beperkte toegang tot openbare kontrakte vir klein en medium ondernemings, vertragings in projekimplementering en die misbruik van openbare fondse. Volgens Frederico Links, ‘n navorser by die instituut, praat President Hage Geingob graag oor prosesse, stelsels en instellings maar, hy bevraagteken of dit in die openbare belang werk. Die verslag oor verkryging wat deur die instituut voorberei is, verskaf inligting oor die verkrygingsproses, insluitend die identifisering van verkrygingsbehoeftes, tenderprosedures, kontraktoekenning en implementering. Daar word aanbeveel dat die deursigtigheid van verkrygingsprosedures verbeter moet word. Kapasiteit van die betrokke beamptes moet ook gebou word en mededinging moet verhoog.