17 lande gekant teen Israel by AU

Daar is reeds 17 Afrika-lande wat teenstand in die Afrika-unie bied vir die waarnemingstatus wat aan Israel toegeken is. Volgens politieke kenners poog Israelse owerhede om die land sterker op die vasteland te vestig en die pro-Palestynse standpunt wat tradisioneel in Afrika-regerings toegepas word, mettertyd te verswak. Suid-Afrika, Nigerië en Egipte, die vasteland se drie sterkste ekonomieë het reeds hulle teenkanting uitgespreek. Zimbabwe, Algerië, Liberië en Namibië is ook van die lande wat die stap teenstaan. Israel poog reeds sedert 2000 om die AU te betree en in die afgelope 20 jaar het die land Afrika as prioriteitsbestemming vir besigheidsbelange geteiken. 


Leave a Reply

Your email address will not be published. Required fields are marked *